Psalm 58:1-8

¹Psalm lal David Kowos leum lun faclu, ya oasr pacl kowos oru nununku suwohs? Ya kowos oru nununku lowos fal nu sin mwet nukewa?

²Mo, kowos nunku na ke ma koluk kowos in oru, Ac orekma sulallal fin acn uh.

³Mwet koluk elos oru ma sufal in moul lalos nufon; Elos nuna kikiap oe ke elos isusla ah.

⁴Elos nwanala ke pwasin, oana wet uh; Elos fonosya insraclos in sulohngkas oana wet cobra

⁵Su tia lohng pusren on lun mwet akmunayalos, Ku pusren pas lun mwet orek mwenmen.

⁶O God, kotalik wihsen lion sulallal inge.

⁷Finsrak tuh elos in wanginla oana kof ma sororla nwe wanginla; Lela tuh elos in itungyuki oana mah su oan inkanek uh.

⁸Lela elos in oana ful finmes uh ma ekla nu ke ma fulful ke ac misa; Lela tuh elos in oana sie tulik fusr su isusla ke pacl sufal la ac misa ac tiana liye kalem uh.