SALMOS 58:1-8

¹¡Imojuanti intlacame tlen inquipiyaj tequihuejcayotl para intetlajtolsencahuaj! ¿Nelía xitlahuac inquintlajtolsencahuaj tlacame?

²¡Axtle! San inmoilhuíaj tlen fiero huelis inquichihuase. Inquichijtoque para noja más ma onca tlatehuijcayotl ipan imotlal.

³Nopa tlacame tlen ax quitlepanitaj Toteco pejque moiyocacahuaj hasta quema tlacatque. Huan ipa istlacatij hasta quema pejque huelij camatij.

⁴Inijuanti tencocoque queja cohuame tlen temictíaj ica inintencococa. Huan itztoque queja nopa cohuame tlen momatij quincaquij inintos inintecohua, pero ayoc quinequij quinneltocase.

⁵Monacastzacuaj huan ayoc quichihuilíaj cuenta, yonque ininteco quintlatzotzonilíaj yejyectzi para ma quinneltoquilica. Huan nimantzi tetzacaníaj. Queja nopa itztoque ni fiero tlacame.

⁶NoTeco Dios, xiquintlamiltili ininchicahualis. Quena, xiquinquixtili ininchicahualis nopa tlacame tlen mosisiníaj, queja tiquinquixtilisquía inintlancoch huan inincamachal omiyo nopa tecuanime.

⁷Ma ixpolihuica queja ixpolihui nopa atl tlen toyahui ipan huactoc tlali. Huan nopa tepostli tlen quipixtoque ininmaco para ica tlatehuíaj, ma eli queja ax tleno ipati.

⁸Ma elica queja nopa cuachololojtli tlen achotiya quema noja nentinemi. O ma elica queja se pilconetzi tlen tlacatqui mictoc huan tlen ax quema quiitac tlatlanextli.