Proverbios 27:15-25

¹⁵Shimisapa warmipis tamyaptin mana chawaypa jutoj wasinömi achäquita ashipayta mana jamanchu.

¹⁶Upällachiyta munarpis manami camäpacunchu. Wayrata chapaycaj-japuymi, maqui-paltancho asëtita chariycaj-japuymi upällachiyta mana camäpacunchu.

¹⁷Fyërrutaga fyërru-masinwanmi afilan. Chaynömi runapis jucwan parlar masta yachacun.

¹⁸Ïgusta alli cuydäga poguptin wayuynintapis micongami. Patrunninta alli atindejpis alli rispitashami canga.

¹⁹Imanömi cäranta pösu yacucho runa ricacun chaynömi runa yarpashanta parlashpan imano cashantapis musyacächin.

²⁰Wañuypis, pantiyun uchcupis manami yamanchu chaychica runa pampacuptinpis. Chaynömi runapis ima ricashancunatapis munapayta mana yamanchu.

²¹Goritapis guellaytapis rasunpa alli cashanta chulluchiyparämi rejsin. Runatapis alli cashanta musyan alli cashanta runacuna alabaptinrämi.

²²Agashaga rïgupapis garan llojshinrämi. Mana tantiyacoj upami ichanga ñuchushanyaj agaptinpis upa cayninta mana cachaycunchu.

²³Uywayquicunata sumaj ricay. Uyshayquicunapaj yarpachacuy.

²⁴Ima-aycayoj caypis, mandaj caypis mañayllami.

²⁵Guewa chillguir intërupa berdiypa berdicarcamuptin jircacunachöpis alli guewa captenga