Proverbios 24:18-24

¹⁸Ar Bab-Jehová egi-be-wergue be-dakalile, be-daed nabir-dakosulid. Ar egi be werguele, Bab-Jehová be-isdarad bar sabsur odurdakosulid.

¹⁹Melle be dule-isganamarba akae. Melle be egi nobgubalo.

²⁰Ar dule-isgana nuedgi berguosulid. Dule-isgana gwallu-akitedaedyob bergudoed.

²¹Machi, Bab-Jehová-dobekwaa be nanae, rey-nug be odummoge. Uayasulidamaladba mer be akae.

²²Ar wemar ukiagwale, sabsur-odurdaklemaloed. Ar dule wissulid, ibi-bonigan egi danikoe.

²³Dule-binsaed-ibegan amba we-ibmar sogsamarbalid: Igar-nabirolegedgi dule-wargwenbarbi-nagued nuedsulid.

²⁴Dule-igar-naboged, dule-ibmar-oakalosad ibmar-oakalossuliyob dakele, neggweburmarse ukabsalegoed, dulemarse isdar daklebaloed.