Proverbios 22:6-18

⁶Igar-innikigwadgi mimmigan be odurdake. Amba sered-ugakgusale, we-ibmargi banguosulid.

⁷Dule-mani-ibed, dule-wilemalad-e-dummad gued. Dule-mani-ganikid, dule-mani-ega-uksad-e-maiga gued.

⁸Dule-ibmar-isgana-imaked, bonigan amied. Bab-Dummad isdar-itogedgi we-dule-obelogoed.

⁹Dule emar-wiledakele, egi nued binsalegoed. Ar we-dule, dule-wilemaladga masgunned uked.

¹⁰Dule-gadi-urwed-amied be ononnoge, adi, na abin-abin-imaklegedi, urwelegedi, degi, sabsur-ibmar-soglegedi, berguoed.

¹¹Dule innikigwadgi-ibmar-sogedi, e-sunmaked-yeer-itolegedi, rey e-aiga imakoed.

¹²Bab-Jehová dule-binsaed-ibedgi nakuleged. Bab-Jehová, dule-gakansili-e-ibmar-sogeddi oyoged, e-sunmaked gakanye.

¹³Dule-wiegala yapa-arbaedba sogdaed: “Achumigur-nono-wawaad magaba gudiiye. An noddibe, an-gunnoye.”

¹⁴Ome-sui-dikarba-yoleged-e-gaya, yaa-matusur-siidyob gued. A-yaagine, dule-Bab-Jehová-ourwega-imakedi, argwanoed.

¹⁵Uayasulidaedi, gusgu burwigana-e-daedid. Molidubgi-bibyolegedgi uayasulidaed surgued.

¹⁶Dule, mani-bur bule-nikuega, dule-wileged-mesagwar imaked. Dule, mani-ibedga binsa-ibmar-ukedi, na dule-wilegedga guoed.

¹⁷Dule-binsaed-ibed-e-sunmakedi, nuekwaa be itoge. An be-odurdakedba, be ibmar imake.

¹⁸Ar be we-ibmar nonogi-gaele, bela be gannar-gannar sogdiile, be yeer-itogoed.