On Lal Solomon 7:6-13

⁶Kom arulana kato ac oasku; Lungse lom nu sik arulana akpwaryeyu.

⁷Kom loes oasriksrik oana soko sak palm, Ac titi lom an oana ungin fokin palm uh.

⁸Nga ac fanukya palm soko uh Ac filiya pouk ke fahko kac uh. Titi lom oana ungin grape uh sik, Ac momong lom uh keng oana foulin apple uh.

⁹Ac oalum oana wain ma wo oemeet uh. Verse Lun Mutan Se Fin ouinge, lela wain uh in sororla nu yurin el su saok sik, Ac kahkla fin ngoasrol ac wihsel.

¹⁰Nga ma na lun el su nga lungse, ac el mwelyu na.

¹¹Fahsru, kom su saok sik. Lela kut in illa nu inimae Ac motullana we.

¹²Kut ac fah toang na tukakek ac som nu ke ima in grape, Ac liye lah elos mutawauk in kapak, Ac liye lah ros uh mutawauk in farengelik, Ac oayapa in liye lah sak pomegranate oasr ros kac. Na nga ac fah akkalemye lungse luk nu sum uh e we.

¹³Kom ac ku na in ngokak foul keng ke ros mandrake uh, Ac fokinsak wowo nukewa pa na oan sisken srungul in lohm uh. Ku na safla luk, nga elosak kain mwe insewowo nukewa nu sum.