Ngën-gi-woy 7:6-13

⁶Sa bopp siggi ni tundu Karmel, njañ liy nes-nesi ni sooyu buur, létt yay fëy-fëyi, ba laaw buur.

⁷Rafet, sopploo! Soppee, bànneex nga!

⁸Sa taxawaay bii garabu tàndarma la, sa ween yi di cëggi doom ya.

⁹Ma ne, maay yéeg tàndarma gi, ŋëb doom yi. Yal na say ween di sama cëggi reseñ, sag noo jox ma doom yu xeeñ,

¹⁰sa gémmiñ di xelli ngëneelu biiñ. Ndaw si Na walal sama nijaay, tuurul ñiy nelaw.

¹¹Man, nijaay a moom, te maay nammeelam.

¹²Nijaay, ayca nu dem tool ba, fanaani ca tóor-tóori fuddën ya.

¹³Nan teela xëyi ca tóokëri reseñ ya, bu reseñ ji jebbee, mbaa tóor-tóor yi focci, mbaa gërënaat ji tóor, nu gis. Fa laa lay jébbale mbëggeel.