Ola Saam 83:9-13

⁹God, yu panishim olabat seimwei jis laik yubin dum langa ola Midiyan pipul. Yu binijimap olabat jis laik yubin binijimap Sisera en im king Jeibin, deya langa det Kishan Riba,

¹⁰gulijap langa det taun gulum Endowa. Deya na yubin bidim olabat en olabat bodi bin jidan nogudwan langa graun.

¹¹Yu bidim ola boswan blanga olabat jis laik yubin dum langa Oreb en Sib en langa Seba en Seilmuna.

¹²Olabat na bin tok, “Nomeda det kantri blanga God, melabat garra teikoba en meigim im blanga melabat ronwan kantri na.”

¹³God, yu spredimat olabat jis laiga das, en jis laiga draiwan gras weya det win oldei blowimweibat.