9Be̱n chee̱ benne' caní ca be̱nu' chee̱ benne' Madián ca', ne ca be̱nu' chee̱ Sísara, ne ca be̱nu' chee̱ Jabín dxu'a xe̱gu Cisón,
10benne' ca' gulátie̱' lu xe̱zr la xu Endor, na' belexaque̱' ca xrche̱'e̱ be̱zre da gun na be̱be lu xe̱zr la xu.
11Be̱n gaca chee̱ benne' blau ca' chee̱ benne' caní ca guca chee̱ Oreb, ne chee̱ Zeeb, ne be̱n gaca chee̱ benne' dxelenná bé'ene̱' benne' caní ca guca chee̱ Zeba, ne chee̱ Zalmuna,
12lawe' da gulenná benne' caní: “Gaca chee̱dxu xe̱zr la xu naga zaj zra' bénneache chee̱ Dios.”
13Dios chia', be̱n xelaque̱' ca xizre be̱be da dxua be' gate dxedube na. Be̱n xelaque̱' ca xrlácue xia xéladu ca' da dxua be' bdunu'.