Ola Saam 78:58-62

⁵⁸Olabat bin meigim im gitwail, dumaji deibin oldei weshipbat ola drimin sheip blanga olabat langa detlot nogudwan weship pleis. Deibin meigim im gitwail langa olabat nomo lilbit na.

⁵⁹God bin wail wen imbin luk wanim deibin dumbat, en blanga tharran na God bin tjakidawei olabat.

⁶⁰Imbin libum im kemp insaid langa det tent deya langa Shailo, det kemp na weya imbin oldei jidanbat garram pipul.

⁶¹Imbin larram wi enamimob deigidawei det Seikridwan Boks. Det Boks bin shoum pipul im brabli haibalawan pawa.

⁶²Imbin wail garram im ronwan pipul, en imbin larram olabat gitkil brom olabat enamimob.