Ola Saam 73:1-5

¹Trubala YAWEI im brabli gudbala langa ola Isreil pipul, en langa detlot pipul hu jidan trubalawei langa im.

²Bat aibin gulijap nomo bilib na, jis laik aibin gulijap buldan,

³dumaji aibin jelas langa detlot praudbala en nogudbala pipul wen aibin oldei luk ebrijing bin oldei go gudwei blanga olabat.

⁴Olabat nomo ardimbat olataim. Olabat jidan strongbala en gudwei.

⁵Olabat nomo abumbat detlot trabul laik najalot pipul abumbat.