1 Trubala YAWEI im brabli gudbala langa ola Isreil pipul, en langa detlot pipul hu jidan trubalawei langa im.
2 Bat aibin gulijap nomo bilib na, jis laik aibin gulijap buldan,
3 dumaji aibin jelas langa detlot praudbala en nogudbala pipul wen aibin oldei luk ebrijing bin oldei go gudwei blanga olabat.
4 Olabat nomo ardimbat olataim. Olabat jidan strongbala en gudwei.
5 Olabat nomo abumbat detlot trabul laik najalot pipul abumbat.
