Numbers 23:20-28

²⁰Keyog Got ngog ni nggu fal’eg wa’athay, Ma nap’an nra fal’eg Got wa’athay, ma dabkiyag ni nggu rin’ ban’en ngay.

²¹Kug guy ndariy e buch wa’athan ara kireb ni nge yib ngak yu Israel. I SOMOL ni Got rorad e bay rorad; yad be tolulnag ni Ir e pilung rorad.

²²I Got e ke fekrad nga wuru’ yu Egypt; Ma cham ni pa’rad ni bod rogon ba garbaw ni pumo’on nib damumuw.

²³Dariy ba mmotokan ara bmit e pig, Nra yib angin ko nam nu Israel. Chiney e bayi yog e girdi’ murung’agen yu Israel ni bayi lungurad, ‘Mu sapgad ko tin nike rin’ Got!’

²⁴Yu Israel e bod ba layon nib gel: Ni dabi toffan nge mada’ ko ngiyal’ nike popof ke longuy Ma ke unum racha’en e pi’in nike li’ kem’.”

²⁵Ma aram me ga’ar Balak ngak Balaam, “Kam siyeg ni ngam yibil nge buch wa’athan e girdi’ nu Israel, machane ku da mfal’eg wa’athrad!”

²⁶Me fulweg Balaam ni ga’ar, “Gathi gog ngom faram nthingar gu rin’ urngin e tin keyog SOMOL ngog?”

²⁷Me ga’ar Balak, “Moy, ngdarow nga yug bang, ya sana ra fel’ u wan’ Got ni nge pagem ngam yibil ngam bucheg wa’athrad u rom ni fan ngog.”

²⁸Me fek Balak Balaam nga p’ebugul e burey ni Peor, ni yira par riy ma yibe guy daken e ted ni desert.