Gaalu Sɛʋɛi 23:20-28

²⁰Wɛlɛ, gè devei zɔlɔɔga ga gè tuya loo, GALA ge tuya loa, gè la seɠezu ma.

²¹É la telebotala vaa ɠaani Zakɔɓe ʋa, é la sɔletala vaa ɠaani Izelayɛle nuɓusɛiti ba. Ɠɔoɠɔ GALAGI, é ga ná-GALAGI, naa ɠa tɔun polu, toɠa masadai ma ɠoozunɛɛi zɔlɔɔ ti ʋɔ bɛ.

²²GALA ge ti ɠulani Ezipete yooi ʋa, suvikɛi ɠulaʋɛ ga teɠui zuvikɛi ti ʋɛ.

²³Zoɠolai la ga faa nɔpɛ Zakɔɓe mavofodai ɠaazu, ɓaa adɔɓɛɛ vai Izelayɛle laalɔɠɔma. Yeeɠɛɠala ʋagɔi ma, toɠa ɗa wo Zakɔɓe ta Izelayɛle ma, nii kpein GALA ge kɛɛzu.

²⁴Niima nuɓusɛiti ta wuzeɠezu eɠɛ zalai, toɠa ɠaalɔsu eɠɛ zalai, é ɗa ná-sua zogai mi, é ɗa ná-sua zogai ma ɲamai ɓɔle, naa ʋoluma ɠa niina a ɗa laa la.»

²⁵Ɓalake ɠɛni Ɓalaame ma: «Ni è la ti voovooni, mina tuya loo ti ʋɛ, ga tago ɓalaa.»

²⁶Ɓalaame gooɠaaʋoteni, é ɠɛ ma: «Gè la boni è ma ɓaa ga nà naati kpein nɔ ɠɛ, nii Ɠɔoɠɔ GALAGI bosu?»

²⁷Ɓalake ɠɛni Ɓalaame ma: «Ʋa deɠɛmu, nà liizu ga ɗe adaʋɛ taɠili, tanisu GALA ka pɛtɛ názu ga ɗa nuɓusɛi niiti foovo nɔ̀un bɛ.

²⁸Ɓalake liini ga Ɓalaame Peyɔɔl gizei unmaʋɛ, nii é zɛlɛni teʋebai maazu.