Numbers 20:22-29

²²Me chuw yu Israel u Kadesh ngarbad ko burey ni Hor

²³ni bay ko mathil nu Edom. Me ga’ar SOMOL ngak Moses nge Aron u rom,

²⁴“I Aron e dabi yan ngalan fare nam ni gu micheg ni bay gu pi’ ngak yu Israel; ya nge yim’ ni bochan e mu togopluwgow ko tin gog ni ngam rin’ew u Meribah.

²⁵Mu fek Aron nge fare mo’on ni fak ni Eleazar ngam marod nga daken e burey ni Hor,

²⁶ma ga chuweg e mad ko prist u daken Aron nga mon’ nga daken Eleazar. Ya Aron e nge yim’ u rom.”

²⁷Me rin’ Moses ni bod nike yog SOMOL ngak. Miyad yan nga daken e burey ni Hor ni be guyrad piyu Israel ni gubin,

²⁸me chuweg Moses e mad ko prist u daken Aron me yin’ nga daken Eleazar. Me yim’ Aron u rom u daken p’ebugul e burey, me sul Moses nge Eleazar u daken fare burey nga but’.

²⁹Ma fa’ani nang yu Israel nike yim’ Aron, ma yad gubin nra mowaw niged ni guyey e rran.