Bilbilang 20:22-29

²²Pag dan komaan am-in din Israelita ed Kades et sinmawang da sin dontog ay Hor

²³sin beddeng di Edom. Sin isdi, kanan Diyos en da Moses en Aaron,

²⁴“Adi makasgep si Aaron sin daga ay inkarik ay idawat ko sin Israelita, tan matey sisya gapo ta adi yo inonodan ay dowa din bilin ko sin kawada yo ed Meriba.

²⁵Ayagam si Aaron ya din anak na ay si Eleazar ta mantikid kayo sin dontog ay Hor.

²⁶Pag kan kaanen din badon di padi ay inbabadon Aaron ta ipabadom en Eleazar, tan isdi ay matey si Aaron.”

²⁷Tinongpal Moses din inbilin Diyos, et inilan din am-in ay Israelita din nantikidan da sin dontog ay Hor.

²⁸Pag kaanen Moses din badon Aaron et inpabado na en Eleazar. Sidi ay natey si Aaron sin toktok di dontog, pag aben manballalong da Moses en Eleazar.

²⁹Naammoan din intiro ay gimong di Israelita ay natey si Aaron, et nanladingit da si tolonpo ay agew.