Nimariu 12:3-8

³O taki e huriki a Israel, na ravuluna parava na keva iea, a bakovi takutaku ge lavea tara tuna sipsip ge kania a kabu vona.

⁴A kabu kiroko, i uka ma i kara ge kani kiria a tuna sipsip, ge takia tara kabu i made tabukoi ge valai ge kani turana. E huriki a bakovi, a ngatavine, a koma ri gi vaveru kamumu a bobona, ri gi kani.

⁵Mu vulaki a sipsip a toga o a meme a toga gavutuvutu, a pida vona ge taku, pali naha ni lave a viri i tahoka a gilanga.

⁶A maka sipsip a bulmakau ni gi matakari kamumu ge harena na parava ge ravulu a polona i va na keva iea. Na malunga liu, e huriki a Israel ri gi rabalaki a maka tuna sipsip.

⁷A darana sipsip ni gi bole, ni gi kalu varago a dahana mataruma, a tabeke polomeli na mataruma.

⁸Na rodo iea mu gutu na kanono a maka tuna sipsip turana a lahia lahaha, mu kani kinika na bret i uka is.