Ngën-gi-woy 1:6-16

⁶Buleen ma xoole sama ñuulaay bi, jant bee ma lakk. Samay càmmiñ a ma mere, di ma wattuloo tóokëri reseñ ya, te wattuwuma sama tóokëri bopp.

⁷Sama soppey xol, ngalla wax ma ana fooy foral, di fa gooral, digg bëccëg? Lu ko moy may muuru, di la wër fi say xarit ak seeni gétt.

⁸Aa! Xamoo koo? Yaw mi dàq ci jigéen ñi! Génnal rekk, topp wewi jur gi, sàmmi say tef, fi dendeek mbaari sàmm si.

⁹Xarit, xam nga lu ma lay xoole? Yànjaayu wajan wu takk watiiru Firawna.

¹⁰Sa lex yaa ngi tàkk fi digg sàdd yi! Céy wii loos ak caqu peram!

¹¹Sàddi wurus lanu lay defaral, tapp ca xaalis.

¹²Li sama buur tëdd, di xéewlu lépp, maa ngi gilli lu neex.

¹³Sama nijaay di mbuusum ndàbb may fanaan sama digg ween.

¹⁴Saa nijaay, saa cabbu tóor-tóoru fuddën, fa digg tóokëri Engedi.

¹⁵Xarit, yaaka rafet, yaaka taaru! Say gët niy pitax.

¹⁶Nijaay, yaaka góorayiw, yaaka maa neex! Mbooy gu naat, nu laloo,