Melkahkahn Melkahka Kan 1:6-16

⁶Kumwail dehr wiahkin ie me I me sakanakan pwehki pohn kiliet, pwe karakar en ketipin me kahrehda. Riei ko me lingeringerda pahi oh itonehng ie I en doadoahk nan mwetin wain. Ihme kahrehda sohla ei ahnsoun apwalih paliwereiet.

⁷Ei mwohnlimpoak, ndahdo mahs, Ia wasa me komw pahn kamwenge ie noumwi sihpw kan? Ia wasa re pahn rukusang ie karakar en ketipin ninsouwas? Dahme I en rapahkinkomwihki nanpwungen silepen sihpw teikan?

⁸Kowe me keieu kaselel nanpwaungen lih akan, ia duwe, ke sohte ese wasao? Idawehnowei pelin sihpwo; rapahkihda wasa me noumw kuht kan pahn mwenge ie limwahn impwal kan en silepen sihpw kan.

⁹Kowe, ei mwohnlimpoak, ohl akan kin mwasimwasingkin uhk, rasehng oahs wol akan ar kin inangih oahs lih kaselel me kin tangahki tehnweren Parao werennansapw en mahwen kan.

¹⁰Pitenmoangomw lingan pohn likin sepomw oh mwotoudi ni tepinweromw rasehng kisin takai kesempwal kan.

¹¹Se pahn wiahiong uhk ehu elin sihn kohl me silper pahn kapwata.

¹²Ei nanmwarki ketin kipekip nan mwoale, oh pwohmwahu en ei leh kipehdi wasa.

¹³Ei mwohnlimpoak pwohtik pwohmwahu en mir ni eh kipekip pohn ei dihdi kat.

¹⁴Ei mwohnlimpoak rasehng rohs en nansapw akan me kin masal nan mwetin wain kan nan Engkedi.

¹⁵Ia uwen omw kaselel, ei mwohnlimpoak; ia uwen poaren mesomw kan eh lingalingki omw limpoak!

¹⁶Soangen omwi silang mwahu, ei mwohnlimpoak; ia uwen omwi kin kaparanihiehda! Dihpw kan pahn wia ata peht;