NARONAA 21:24-35

²⁴akũ Isarailanↄ ń dɛdɛ kũ fɛ̃nɛdao ò ń bùsuu sìḿma zaa Anↄ ari Yabokui Amↄninↄ bùsun, zaakũ Amↄninↄ bùsu lɛ́zɛki pì pãsĩ, àdi sí gɛ̃nlo.

²⁵Isarailanↄ Amↄri wɛ̃tɛnↄ sì pínki kũ Ɛsɛbↄ̃o kũ a lakutunↄ pínki, akũ ò vùtɛn.

²⁶Ɛsɛbↄ̃mɛ Amↄrinↄ kína Siↄ̃ wɛ́ra ũ. Siↄ̃ zĩ̀i kà yã kũ Mↄabunↄ kína káakuo, akũ à a bùsuu sìa ari Anↄ swai.

²⁷Abire yãin kɛrɛnↄ dì pi: À mↄ́ Ɛsɛbↄ̃, ò Siↄ̃ wɛ́ra pì kɛkɛ ò kátɛ!

²⁸Tɛ́ bò Ɛsɛbↄ̃ yã, zĩ̀karinↄ bò Siↄ̃ wɛ̃tɛ pìi gũn, ò Mↄabunↄ bùsu wɛ́ra Ara kàkatɛ Anↄ mìi sĩ̀sĩ gbɛ̃ pìnↄ.

²⁹Waiyoo Mↄabunↄ! Kɛmↄsi gbàgbarinↄ, a kakatɛmɛ! Kɛmↄsi tò á gↄ̃gbɛ̃nↄ fã̀kↄ̃a, à á nↄgbɛ̃nↄ kpà Amↄrinↄ kína Siↄ̃a zĩ̀zↄnↄ ũ.

³⁰Akũ o ń fú, o ń dɛdɛ zaa Ɛsɛbↄ̃ ari Dibↄ̃. O ń kákatɛ ari Nↄfa kũ Mɛdɛbao.

³¹Lɛn Isarailanↄ vùtɛ Amↄrinↄ bùsun lɛ.

³²Musa gbɛ̃nↄ zĩ̀ Yaza asiri gwa, akũ Isarailanↄ gwe sì kũ a lakutunↄ pínki, ò pɛ̀ Amↄri kũ ò kú gwenↄa.

³³Akũ Isarailanↄ lìtɛ ò Basã zɛ́ sɛ̀. Akũ Basã kína Ogu gɛ̀ɛńyĩ kũ a zĩ̀karinↄ ń pínki ò zĩ̀i kà kũńwo Ɛdɛrɛi.

³⁴Dikiri pì Musanɛ: Ǹsun vĩna kɛnɛro, zaakũ ma a nànnɛ n ↄĩ kũ a gbɛ̃nↄ kũ a bùsuuo pínki. Ǹ kɛnɛ lákũ n kɛ̀ Amↄrinↄ kína Siↄ̃ kũ à kí blè Ɛsɛbↄ̃nɛ nà.

³⁵Akũ ò Ogu dɛ̀ kũ a nɛ́nↄ kũ a zĩ̀karinↄ ń pínki, bee gbɛ̃ mɛ̀n do dí boro, akũ ò a bùsuu pìi sì.