كْنتِ تِقٍ 21:24-35

²⁴عِسِرَيِلَكَيٍ نَشَ فٍينِ. عٍ نَشَ عٍ شَ بْشِ بِرِن تٌنفٌ كٍلِ عَرِنٌن شُرٍ مَ هَن يَبٌكٌ شُرٍ، هَن عَمٌنِكَيٍ شَ بْشِ نَانِنيِ رَ. عٍ مُ نْ دَنفِدٍ نَ رَ بَرِ مَ عَمٌنِكَيٍ سّنبّ نُ فبٌ.

²⁵كْنْ عِسِرَيِلَكَيٍ نَشَ عَمٌرِكَيٍ شَ تَايٍ بِرِن سُشُ، عٍ قَ سَبَتِ نٍيٍ كُي. عٍ نَشَ شّسِبْن قَن سُشُ، عَ نُن عَ شَ رَبِلِنيِ.

²⁶شّسِبْن نَن نُ نَ عَمٌرِكَيٍ شَ مَنفّ سِشْن شَ مَنفَتَا رَ. عَ نُ بَرَ نَ تَا بَ مٌوَبَ مَنفّ ندٍ يِ، عَ نُن عَ شَ بْشِ بِرِن هَن عَرِنٌن شُرٍ.

²⁷نَ نَن عَ رَ، بّيتِبَيٍ عَ قَلَمَ، «وٌ قَ شّسِبْن! سِشْن شَ تَا شَ تِ، عَ مَن شَ سّنبّ سْتْ!

²⁸تّ بَرَ شّسِبْن فَن، سِشْن شَ تَا بَرَ كَنَ تّ رَ. مٌوَبَ بْشِ شَ تَا عَرِ قَن بَرَ فَن، نَشَن شَ مِشِيٍ نُ نْمَ عَرِنٌن تٌدٍ.

²⁹حَشَنكَتّ نَ وٌ بّ مٌوَبَكَيٍ، وٌ تَن كٍمٌسِ شَ بَتُلَيٍ. عَ شَ دِ شّمّيٍ بَرَ عٍ فِ. عَ شَ دِ فِنّيٍ بَرَ قِندِ فٍيلِمَنِيٍ رَ عَمٌرِ مَنفّ سِشْن شْنيِ.

³⁰كْنْ مُشُ بَرَ نْ عٍ رَ، شّسِبْن بَرَ كَنَ هَن دِبٌن. مُشُ بَرَ عٍ هَلَكِ هَن نٌقَ، هَن عَ سَ مٍدٍبَ لِ.»

³¹عِسِرَيِلَ نَشَ سَبَتِ عَمٌرِكَيٍ شَ بْشِ مَ.

³²مُنسَ تٌ فّ يَاسّرِ تَا رَبّندٍ، عِسِرَيِلَ نَشَ عَمٌرِكَيٍ كٍرِ نَ لٌنفٌرِ بِرِن مَ.

³³نَ دَنفِ شَنبِ، عٍ نَشَ كِرَ تٌنفٌ سِفَقٍ رَ بَسَن. بَسَن مَنفّ عٌفٌ نُن عَ شَ سْورِيٍ نَشَ عٍ لِ عٍدٍرٍيِ.

³⁴عَلَتَلَ نَشَ عَ مَسٍن مُنسَ بّ، «عِ نَشَ فَاشُ عَ يَ رَ! ﭑ نَ سَمَ نّ عِ بّلّشّ، عَ نُن عَ شَ سْورِيٍ نُن عَ شَ بْشِ بِرِن. عِ شَ عَ بْنبْ عَلْ عِ عَمٌرِ مَنفّ سِشْن بْنبْشِ كِ نَشّ شّسِبْن.»

³⁵عِسِرَيِلَكَيٍ نَشَ عٌفٌ، عَ شَ دِيٍ، نُن عَ شَ سْورِ بِرِن بْنبْ. مِشِ كٍرٍن مُ نْ عَ بَدٍ عٍ يِ. عٍ نَشَ عَ شَ بْشِ قِندِ عٍ فبٍ رَ.