NARONAA 11:2-9

²Akũ gbɛ̃nↄ wiki lɛ̀ Musaa. Kũ à wɛ́ kɛ̀ Dikiria, akũ tɛ́ pìi zɛ̀.

³Akũ ò tↄ́ kpà gu pìinɛ Tabera, kũ Dikiri tɛ́ fùtɛ ń tɛ́ gwe yãi.

⁴Buri pãndenↄn kú Isarailanↄ tɛ́, òtɛn pↄ́ble pãnde ni dɛ, akũ Isarailanↄn tɛn ↄ́ↄ dↄ se ò pì: Mán óni nↄ̀bↄ len ò sóo?

⁵Ótɛn kpↄ̀ kũ o sò Misila ó pↄyeinaaa bɛgɛ kɛ kũ plɛ̃̀nↄ kũ gbɛzɛnↄ kũ ɛfↄnↄ kũ arubasanↄ kũ arubasa gizonↄo.

⁶Tera sà ó lɛ́ gà, zaakũ odì pↄ́ke lero, séde mana dí baasiro.

⁷Manaa pì wɛ́ kete, à de lán lí'ↄ bàmɛ.

⁸Isarailanↄ dì sɛ́tɛ ò lↄ́ gbɛ̀n ke òdi zↄ̃ gón. Òdi disa ò kàra kɛo. A nna lán kàra asãnaa bà.

⁹Tó plí kpà bùran gwãani, akũ manaa pìi dì kↄ́tɛ se.