Namba 11:2-9

²Go lau têtaŋ gêdêŋ Mose ma Mose keteŋ Apômtau, tec ja gêmac.

³Êsêac sêsam gamêŋ tonaŋ gebe Tabera gebe Apômtaunê ja gelom aŋga êsêac ŋalêlôm.

⁴Lau jaba, taŋ sêwiŋ lau Israel naŋ, têtu meloc gwada ma lau Israel têtaŋ kêtiam amboac tonaŋgeŋ ma sêsôm gebe “Ojae, asa êkêŋ gwada êndêŋ aêac taniŋ.

⁵Aêac taêŋ gêjam i, taŋ taeŋ ŋaômageŋ aŋga gamêŋ Aiguptuŋa naŋ, ma katim to meleŋ ma laki to anian ma lomboc.

⁶Mago galoc nêŋ ôliŋwalô gêbacnê. Gêŋ ŋajam teŋ gêc atom. Mateŋ gê mana tageŋ.”

⁷Mana tau kêtôm mêcgauc ma ŋalaŋô kêtôm uc ŋatêkwi, taŋ ŋajaŋa kêsa naŋ.

⁸Lau sêsêlêŋ-sêsêlêŋ ma sejoŋ gêŋ tau sa jasêlêsa popoc me sepeŋ kêsêp toŋtoŋ. Go seno kêsêp ku ma sêpac polom tapa-tapa. Gêŋ tau ŋasaê kêtôm polom tapa-tapa, taŋ sêpac ŋa ŋalêsi naŋ.

⁹Gêdêŋ gêbêc maniŋ kêsêp nêŋ gamêŋ becŋa ma mana kêsêp gêwiŋ.