Mini Gigabi 5:13-17

¹³I̱naga lawai hagame bi layago hale nahe tingi halu donge harugoni.

¹⁴Áyu i̱ wali agali bibahende deni ko hai kogoni, lalu lolebere.

¹⁵Í̠ agali mendealinaga iba uli ngagoha napobe. Agali mbirame iba uli ibuninaga ngagoha nalu hagadagua í̠ one mbiraore ogonila mandagi halu ibu hangu gubalini holene nga.

¹⁶Wali í̠ one ndoru baba waneigini hono wima ibaga biriyagua mani waneigini urunime í̠ biamogo nabulebira. Ani manda buwa í̠ onela hangu í̠naga waneigini hono wulene nga.

¹⁷Wali kayu dewa yalu waneigini hono wereruni wali biaru ti aria ho tago holebirago ani bulene nawi.