Mga Awit 80:7-13

⁷Diyos ng mga hukbo, panumbalikin mo kami; pagliwanagin mo ang iyong mukha sa amin, at kami ay maliligtas.

⁸Nagdala ka ng puno ng ubas mula sa Egipto; pinalayas mo ang mga bansa at itinanim ito sa ibang lugar.

⁹Nilinis mo ang lupain para dito; nag-ugat ito at pinuno ang lupain.

¹⁰Ang mga bundok ay natakpan ng lilim nito, ang pinakamataas na mga puno ng sedar ng Diyos sa mga sanga nito.

¹¹Umaabot ang mga sanga nito hanggang sa dagat at mga usbong nito hanggang sa Ilog Eufrates.

¹²Bakit mo winasak ang mga pader nito para ang lahat ng dumaraan ay pipitas ng bunga nito?

¹³Sinisira ito ng mga baboy-ramong nasa gubat, at kinakain ito ng mga halimaw sa bukid.