Mark 13:24-32

²⁴“Ma tomuren e re gafgow nem e bayi talumor mit e yal’, ma dabki mat ram’en e pul,

²⁵ma bayi mul e t’uf u lanelang, ma gelngin e pin’en ni bay u lanelang e bay ni pingegrad ngranod ko gin ni gathi ir e yad be sor ngay.

²⁶Ma aram e bayi m’ug e en ni Fak e Girdi’ ni be yib nga but’ u fithik’ e manileng ni bay gelngin nib gel ma be galgal ram’en.

²⁷Ma bayi l’oeg e pi engel rok ngar kunuyed girdi’en Got nike mel’eg Got u lan e aningeg yangi n’en u fayleng ni ir e ma thow e nifeng riy u baraba’ e fayleng nge yan i mada’ nga baraba’.”

²⁸“Ba’aray ban’en ni ngam nanged rok e gek’iy ni fig. Ngiyal’ nra galunglung papa’ngin ma ke mirerey, me tabab yuwan ko puf, ma aram e kam nanged nike chugur ni nge taw ngal’an e gowel.

²⁹Ere ku errogon ni ngiyal’ ni gimed ra guy e pin’ey ni be m’ug, e aram e kam nanged ni fare ngiyal’ i n’em e ke chugur, ni aram e nge tabab.

³⁰Mu ted fanmediyan ko re bugithin ney! Bay yib urngin e pin’ey u m’on ko ngiyal’ ndawori yim’ urngin e girdi’ ni yad bay e chiney ni yad ba fos.

³¹Tharmiy nge fayleng e bay chuw, ma thin rog e ri dabi math bi’id.”

³²“Machane re rran nem ara re awa nem e dariy be’ ni manang e ngiyal’ nra taw riy ni mus ko pi engel ni yad bay u tharmiy ara en ni Fak Got, ya kemus ni en ni Chitamangiy e manang.