Mareko 13:24-32

²⁴“Nei asubenadi ne, amamna lailai murina eai, mahana abo i wahuwahuhuri, eo nawalai taba nige ie sina.

²⁵Galewa iporadi abo se beu, eo galewa ginauri gigiboridi abo se hemoimoiudi.

²⁶Abotai Tau Natuna si ita eada boeadi eai i laoma, ma gigibori lailaina eo ma namanamarina.

²⁷Ia ena aneru abo i hetamaridi isi ena hinehineri tataodi se woeagogoidima mana hasi edi aba laoma eai, eo i lau tanoubu ana sigana eai, eo galewa ana sigana eai.

²⁸“Kuhou ta ana parabole omi au ita: ie bogu, luguna abo i lauala, abo au nuatui monamonabuluha huiana ie lage.

²⁹Ia ede hinage doha omi abo au ita teina ginauri gamagaridi se tubu, abo au nuatui i hanahanaumao, dobila hasaridi eai.

³⁰Ea heribamiu ta mamohoi, teina isi ta nige i lautom, teina riba gamagaridi ta abo se tubu.

³¹Galewa eo tanoubu isi abo se lautom: eau egu riba taba nige ena aba lautom.

³²“Nei asubenana ne, eo awa ne, nige esau i nuatui, galewa anerudi hinage nige se nuatui, Natuna hinage nige’e, na Tamana mo iabom.