Markusi 13:24-32

²⁴“Rabuang bo esodai dadira fuba pari fo kiai mani, ‘Wofaisi ambori memantiti ki, tuti embaifaisi sambewarai ahang kahai ki,

²⁵awahafaisi ambori tiafating na rorafaisi tuti sawai ki, tuti fi wemambiriu na rorafaisi ambori dari babiaini ki.’

²⁶Finanaifa kawariai akawuru wori, Kaisung Inontarai nei ambori watioi we da na kafafefo na rorafaisi meu, ne tapapafo fuba paria tuti ne sambewaraio dadai fo fiabai.

²⁷Ambori demi ne wewaifosa we efanduhi ne kaiwasa diriri foi na do wanang murang foi paria sobu do wanangfui foi, tuti na do wanangsai foi paria sobu do wanamba foi, kontai na rorafaisi reafea pari sobu reafeai.”

²⁸“Fiyiwansoai kariri ai urung nei deinawi aunaufeai fa, amani wati to aifoi we wedahamia kai, rerorifoi kiawariai aha mani, nana mani waitawanai we katu wori wemunudang ki.

²⁹Tonanai kontai we mewatio finani kiai kawariai mani, mewaitawanai kontai we rahidafo kefang ampa.

³⁰Tarai, imadurai we mea mau yeyo, inontarai na rabuang boninisa wiro emarareharao ehai kaharai mae finanai kawariai kawurua.

³¹Rorafaisi tuti nunei niai rai, wape nehu Kaiwone watai wenumainu.”

³²“Tonanai ki, wape kariri rahida tuti araha ureng beiru Kaisung Inontarai nei da nai ma fo, mandoni kontai deitawana kaha. Wewai na rorafaisa kontai ewaitawana kaha, Kaisung Inontarai nei kontai deitawana kaha, mae Dai mesiri andino deitawana ne.