Markus 13:24-32

²⁴Basa boe ma Yesus tuti seluk kokolan bali, fo nafada ana mana tungga nala, nae, “Mete ma basa fai toꞌa-taak ndia, ‘Neu ko ledo makiu, bulak boe oo, taa manggaleꞌdo so.

²⁵Nduu kala latuda kala leme lalai mai, ma basa koasa malai lalai langgongga-mboꞌa kala.’

²⁶Basa ndia, na, bei fo basa hataholi la lita Au, fo Hataholi Isi-isik ia. Neu ko Au mai nai koꞌas, uma lalai mai. Ma basa hataholi la lita Au koasang, ma basa Au nula-nambung.

²⁷Boe ma Au palenda Manetualain ata nusa-soda nala, fo, leu lakabubua lala hataholi la fo Au hele basa sala leme dae-bafok buꞌu nala mai, neme dulu mai losa muli neu, neme kii mai losa kona neu.

²⁸Yesus tuti Ndia kokolan, nae, “Au haꞌi nakandandaak neme ai huuk mai. Mete ma doon mulai kuni, na, ndia dadik tanda, nae, fai hanas deka-deka mai so.

²⁹Leondiak boe oo, mete ma ei mita fai-fai toꞌa-taak losa, fo leo isinaak Au afada ei ndia so, na, ndia dadik tanda nae, Au deka-deka mai so.

³⁰Hatematak ia, mamanene neulalau! Neme basa hataholi kasoda kala hatematak ia, neu ko hambu hataholi nggelok bei taa mate sala boe, tehuu fai toꞌa-taak ndia losa so.

³¹Leomae lalai ma daebafok mopo sala so, tehuu Au Hala Kokolang ia, nahele losa taa mana basak.

³²Yesus kokolak nakadaik, nae, “Taa hambu hataholi esa boe, ana bubuluk fai hida Au fai do liꞌu fali maing. Manetualain ata nusa-soda nala boe oo, taa bubuluk. Au mesa nggau boe oo, taa bubuluk. Kada Au Amang mesa kana bubuluk.