Mak 9:33-39

³³Areme bun vake ar Kafoniam useme gire be ijia ajie karinva ijia Jesu fu uri e vuak fuon faivo iji kia, Ja unam gafi ja vuak irerag iji kuaime dab siguinvano kiain.

³⁴Jesu fu ijeg kuardiamga e vuak fuon faivo iji buba una roin kuardain. Ijefuon maiji bu unam ijia erar fu e ikin rekfuon ijefuon kuaime dab sigunamin.

³⁵Areme Jesu fun ari fine e tuer (12) vuak fuon faivo iji kiamga bu rokga fu kia, Erar vierafega fu e ikin rekma amur funika una e ukakbe rene e fokbuon ikrene kiain.

³⁶Fu ijeg kuardiame uri am ukakbe be afeme uf ijia unain. Areme fu uri kaivene una dakaroi e vuak fuon faivo iji kia, E iji eraneb ja if nun ijia am ukak igekin iji anadiavo iji bu na anadiev. Regavo eraneb bu na anadievo iji bu na nunkua anadievo bakin gavo bu e iji fu kiemga na ari ruainva bu e iji madu anaivno kiain.

³⁸Areme Jon fu uri kua, E nijaidiamo e be fu if on ijia kaven ise iji kuriairena fu keko vaka no game kuavga fu aren. Ijefuon maiji fu nona oinon bano kuain.

³⁹Bu ijeg kuardavga Jesu fu uri kia, E iji fu ijegreoinon iji jab bijukurak. Ijefuon maiji erar fu if nun ijia ire sumakin be rekma fuba una nuisina vuak ise kafo kuaikfuon. Regavo madu erar fuba nona nibijaimo e iji fu nona ren.