Luku 14:3-32

³Kasegere ugota hu'naza vahe ene, Farisi vahera Jisasi'a anage huno zmantahigene. Mni fruhu knazupa (Sabat) knare vahera zmazeri so'e hugahumpi osugahune?

⁴Hianagi zamagra ke osu manizageno, ana nera avufare azerino kri'a azeri so'e huteno huntegeno vu'ne.

⁵Ana huteno anage huno zmasami'ne, inamoka mofavrekamo'o bulimaka afukamo ti afi kerifi uraminenigenka, mni fruhu (sabati) knazupa ame hutma ome avare anaga otegahazo?

⁶Zamagra ana kemofo nona'a hugara osu'naze.

⁷Jisasi'a kegeno ne'za nehogu ke hazage'za e'naza vahemo'za, ra zmagima eri trateke emanizageno, Jisasi'a anage huno fronka kea zmasami'ne.

⁸Mago'a vahe'mo'ma, tamagri'ma ke hanigetma arave hu nezantema vanutma, ra agima ami tratera uomniho. Na'ankure mago vahera tmagrima tmagaterenesi'a vahera kea hu'nesigu'enene.

⁹Hagi ana taregamota tanagi hu'nesimo eno, traka'a ama ne' amio huno hanigenka, kagazegu nehunka atrenka refarega umanigahane.

¹⁰Tamagima hanigetma vanutma henka trate umani'nenkeno, tamagima higeta vu'nazamo'ma esuno'a, anage huno hugahie. Ronenimota, enagagateho hanigetma, maka trate'ma mani'naza vahe zmufina ra tmagia erigahaze.

¹¹Na'ankure maka vahe'mo'za zmavufga ra hanamokizmia, Anumzamo'a zmazeri fenka tregahie. Hianagi zamagra zmavufga anteramisamokizmia, Anumzamo'a zmazeri sga hugahie.

¹²Anage nehuno, neza nehoguma ke hige'za e'naza kva nera asamino, ra ne'za kresnunka roneka'ane, kafu kaganahe'ine, vaheka'ane afufeno zimine vahe'ene zamagrike zamagi osuo. Ru ana vahe'mo'za kagri'enena ke hu'za nona hu'za kamisagenka mizanka'a erigahane.

¹³Hu'neanagi ra nezama retroma nehanunka, zmunte omne vahe'ene, agia aza stinesia vahe'ene, aga havizahu vahe'ene, avusu hu'nesnia vahe kea huge'za eho.

¹⁴E'inahu vahe'mo'za nona hu'za kamigara osu'nazankinka, kagra asomu erigahane. Na'ankure fatgo vahe'mo'za frinesafintima otisaza knazupa mizanka'a erigahane.

¹⁵Mago'mo nezane trate zamaza tununte mni'nafinti ana kema hia nentahino, anage huno Jisasina asmi'ne. Maka vahe'mo'za Anumzamofo Kumapima bretima nesamo'za asomu erigahaze!

¹⁶Hianagi Jisasi'a ana kemofo nona'a anage huno asmi'ne, Mago ne'mo ra ne'za retro huteno hakarea vea ana nezante eho huno ke hu'ne. (Mat 22:1-10)

¹⁷Ne'zama nesaza kna egeno, kazokzo eri'za vahe'a hunteno, koma zamagi hu'noa vahete vunka eho hunka ome zmasamio. Na'ankure mizantamia hago retro huramante'ne hunka ome zmasamige'za eho.

¹⁸Hianagi maka'mo'za hu'za tasunku hunanki, eri'zanti me'ne hu'naze. Ese'mo'a anage huno ana kazokzo eriza nera asmi'ne. Nagra mago mopa mizasenoa ome kegahuankina, nasunku huanki ovugahue.

¹⁹Anante'mo'a anage hu'ne, 10ni'a hoza eri burimakao miza sentenorega vu'na ome avame ante'na kegahuankina, nasunku huanki omegahue.

²⁰Anante'mo'a anage hu'ne, meni ara eri'noanki'na omegahue.

²¹Ana kazokzo eriza ne'mo rukrehe huno kva'amofonte eno eme asmi'geno, kva nemo'a rimpa hegeno, ana kazokzo eri'za nera anage huno asmi'ne. Ame hunka ra kumamofo osi kampine ra kampine nevunka, afufenozmi omne'nesnia vahe'ene, zmagia zmaza stinesia vahe ene, zamaga haviza hu'nesnaza vahe'ene, zamavu asu hu'nesnia vahe'ene zamavrenka amare eno huno hunte'ne.

²²Anante kazokzo eri'za ne'mo huno kva'nimoka, kema hunantanazana hago huanagi nompina mago'a kankamuna me'ne higeno,

²³kva ne'mo'a anage huno kazokzo eri'za nera asmi'ne. Atiraminka ranra kampine nomofo kegina kante vunka tutu hunka ome zmasamige'za, e'za noni'afina emani aviteho.

²⁴Na'ankure Nagra anage hu'na negasamue, magore hu'za koma zmagima hu'noa vahe'mo'za, nezani'afintira onetfa hugahaze.

²⁵Jisasina tusi'a vea krerfamo'za amage avaririza nevzageno, rukrehe huno amanage huno zamasmi'ne.

²⁶Mago'mo Nagrite enaku nehuno, nefane nererane a'amofone, mofavre'ane afuhe'ine, asarehe'ine, agra'agu'enema ha'ma reontesimo'a, Nagri disaipol omanigahie.

²⁷Iza'o agra'a keka zafa erigofino Nagri namage omesimo'a, Nagri disaipol omanigahie.

²⁸Iza'o tmagripintima zaza noma kinaku hanuno'a, kotazana manineno nama'a zgonu nona ki vgaregahue huno refako huno keteno nona kino.

²⁹Zaza no kinaku eri agafa huno tra'a tro hunteteno, ki vga oresigeno, kesnaza vahe'mo'za hunte'za agiza nere'za,

³⁰ama ne'mo'a knare huno nona agafa hianagi, nona kivgaregara osie hu'za hugahaze.

³¹Hagi mago kini ne'mo, mago kini nema ha'ma ome huntenakura, esera mani'neno antahino nagrira 10 tauseni'a sondia vaheni'a maninazankita 20 tauseni'a sondia vahe'mozama ha'ma eme hurantesaza vahera zmageteregahumpi, zmagete oregahune huno refko huno nege.

³²Ha'ma agateregama osnuno'a, ha' vahe'amoma afete ne-esigeno, agra mago'a vahe huzmantenke'za vu'za agri agi eriza magoaza ome huhampri nezmante'za ha'ma osu'za zmarimpa fru hu'za manisagu ome asmigahaze.