Luku 13:31-34

³¹Gii dokopaka Patasi mendapuame ipupala baa lamaiyoo, “Akali Etoteme emba pyalanya pilyamona, yuu ange yakinatala waka mendasa puu!” leami-pyaa.

³²Dopa leaminopa Jisasame dokaita lamaiyoo, “Nyakamame akali yana kapua joo waa katenge doko dapa lamaiyepape: ‘Indupa taitapa nambame enjele koo dupa watao pyao, yaina paleta dupa auu pisoo katapala gii tepo dokonya nambanya kalai doko pyoo etatona lelyamo,’ lao lamaiyepape.

³³Endakali dupame potopesa mende yuu waka dupanya pyao kumasala naenya, Jetusaleme dokonyaka pyao kumasepenge jipumosa nambame indupapi, taitapi, dumapi dutupanya kaitini pao katapenge jilyamona, patowana,” lea-pyaa.

³⁴Dopa latala Jisasame dapa lea-pyaa: “Kanau! Kanau! Jetusaleme tange! Nyakamame potopesa dupa pyao kumasoo dee Goteme epena latae akali dupa kaname pyao kumasoaka katengema. Gii longo paka nambame nyakama nyoo limbatala yaka matakaimi yakane dupa papa pundipundi yapu nengeli pitoo lao masoo kalyoaka doko, nyakamame tanga lelyamino.