Luk 13:31-34

³¹Tɛm tatɔkɔ, kɔ aFarisi alɔma ŋander ŋaloku kɔ: «Məyɛfɛ nnɔ mɔkɔ! bawo Herodu ɛfaŋ kədif’əm.»

³²Kɔ Yesu oloku ŋa: «Nəkɔ nəloku ayɔfən ŋaŋɔkɔ: Kəbɛləs yɔŋk yɛlɛc kɔ kətaməs k’iyinɛ mɔkɔ kɔ alna, a indeləpəs yɛbəc yem tataka ta maas.

³³Mba mɛnɛ ikɔt mɔkɔ, alna kɔ dɔsɔkɔ; bawo pəmar fɛ wədəŋk wəka Kanu efi kəfo kəcuru ta pəyɔnɛ Yerusalɛm-ɛ.»

³⁴«Yerusalɛm! Yerusalɛm! Nŋɛ ŋendif adəŋk a Kanu mɔ, ŋɛc-cacas aŋɛ Kanu kəsom nnɔ ŋeyi mɔ; pənabas’im kəloŋka ka awut’am pəmɔ ntɛ acɔkɔ ŋokombəra ŋoŋloŋka awut baŋca ya ŋi dəntɔf mɔ! Mba kɔ nəntɔfaŋ ti.