31थेनोन धुइरी कोइ कोइ फरिसीगदे येशू मुबा ग्लारी खसी, “ह्राङ चुग्याम थोन्सी फेप्गो। तिग्दा भिसम ह्राङदा हेरोदसे साइबारी छ्याइबा मुला” भिसी भिमा,
32येशूसे थेनीगदेदा चुह्रङ् भिसी सुङ्जी, “एनीगदे निसी थे ल्हुन्दी ह्रङ्बा छट्टुदा चुह्रङ् भिउ, ‘तिनीदेन न्हङगर ङाइ म्हङगदे ताप्बादेन आखम्बागदेदा खम्ना लबा गे लला, ओच्छे रेनी ङाला गे जिन्ना।’
33ओच्छे तिनी, न्हङगर, रेनीकुनुधोनारी ङा यरूशलेम शहररी धोनोन तोःला। तिग्दा भिसम यरूशलेम शहररी बाहेक अर्गु ग्लारी अगमवक्तादा आसाइ!
34“यरूशलेमला म्हिगदे, एनीगदेसे अगमवक्तागदेदा साइला ओच्छे परमेश्वरसे एनीगदे मुबा ग्लारी पुइखबागदेदा युङबासे तोला। ङाइ एनीगदेला कोलागदेदा नागा मामासे ह्राङला कोलागदेदा भ्याप्से घप्बा ह्रङ् लसी पोप लबारी म्हाइमा एनीगदेसे आङ्यान्नी।
लूका 13
लूका 13:31-34