Luk 13:31-34

³¹Na len doh, iri Parasi rayah ame hawe Jises tiye i tan anya, “Ou au a kon ari ja. Kabin Herot anya kidi ou!”

³²Arile, Jises tiye i toro, “Ado kala katiye ta mwi badu lokei badeh, anya, ‘Jo kameh udu gwek atikah iri malawin ndra-in au, hawe amekes iri lau sik udu tiri iu na dah, ma hawe na bi-i, ano na atoha, lahou tek barano adeh.

³³Aliy ai, arile bwai, jo na dah hawe na bi-i ili isos atoha badeh, jo ndrado Jerusalem ai, tasah udu bolo oro len doh nane ari propet badeh, winiyan bamak bare ari kon buku liliy bwe. Iy imek udu Jerusalem amwenen.’

³⁴“Jerusalem, Jerusalem, jo tikisi ado labai, ado adai iri propet, ma ado ateu iri lau Kindrei suni iri ame atou ado, ma ado orowei iri na bek ma adai iri amak. San solo-an jo anya katukumwi nadum oro, buku none iri kakaro tukumwi nadu iri areu bahandra bani iri. Arile, ado bwale ado!