Lukas 19:36-44

³⁶Iesus are haka nga tongki ke iolole pe hehei pe hana te lung susue reria hengeron mur nga kue.

³⁷Iesus i ke langa kileng unne nenga hengene nge Oliua nenge ana kue nau sio lange Ierusalem. Pe nena hana lochloch ngana nemur nenge te nananasia i te iech toto pe te hele urana toto lange NeHalang. Singiria kik pe te heto heke tote NeHalang nga mirakulo nemur nenge Iesus poi hote iri ke te esia ke ulolo.

³⁸Pe te makul haka ke mai, “Petanga tunge Naunga ala ana non nenge at nga Non Soke ene! Pe tunga nge nek nga lut nga tapa! Ta heto heke tote NeHalang nga lut nga tapa nge i palaungana toto pe urana toto!”

³⁹Ol pe Paresio mur hel nge tei luluch nge iri te hele lange Iesus ke teke, “Non soke, o keres taua lem hana mur.”

⁴⁰Pe Iesus tuacholia, “E hele lange imo, nenge teke lek hana mur te reng, um lochloch ngana nemur tepeu pe te heto heke NeHalang ene.”

⁴¹Iesus i ke heroi toto lange Ierusalem pe esia kileng nem pe letena poreke toto ia pe tang.

⁴²Pe hele, “Heueu nei, toinge o eteia utar nenge hetakile iong. Pe pa nei ero iange te talkome nga matam.

⁴³Pe etue nem lape at nenge lape lem ngarang mur teat ke te heliliu hite iong ke tom ke otu mana nge teu.

⁴⁴Pe lape te heporeke tote iong pe lem hana mur, iange o etei ilia etue nenge NeHalang atia ke halau iong ia ero!”