San Lucas 19:36-44

³⁶Chiy chi zeteed Jesús, ax guzulo rguix de bniety xabdeb lo nez.

³⁷Ne chi bdzɨndeb quia dany Olivos par asulo yiatdeb, irate de bniety ni zanald Jesús guzulo rbɨxtiadeb pur tant rzaclaazdeb, ne rniideb de diidx zaac par Dios pur irate de milagrɨ ni agunádeb.

³⁸Laadeb guniideb: —¡Dichos rey ni zéed pur Xtadnɨ Dios! ¡Anuu guelrzaclaaz llayabaa! ¡Xtiosten Dios ni rbez llayabaa!

³⁹Chiy de fariseu ni nuuch glay de bniety ni zanald laany, raipdeb laany: —Maistrɨ, gudildbiu de ni zanald laabiu te quɨtru iniideb zeec.

⁴⁰Per Jesús cuaibny: —Nare rniia laat dec belati laadeb iganydeb, de guia ná ni cuxtia zeec.

⁴¹Chi bdzɨny Jesús gax Jerusalén, chi gunány guɨdxqui, Jesús biinny pur guɨdxqui,

⁴²ax guniiny: —¡De bɨny Jerusalén, ójla masiu andxiré niacbeet tú chalee iguaad laat guelnaldiulaaz! Per anre xgaats nángui par laat, quɨt xo gacbeetit.

⁴³Teru idzɨny de dxi chi gún de ni rdxichné laat pader iduibrdonte ladxtɨ, ne iranezte gúndeb contrɨ laat,

⁴⁴ne sguinxúdeb laat. Chiy stsɨlydeb ladxtɨ ne nic tuby guia quɨt isáantideb quia stuby guia, te pur quɨt baantit cuend hor ni bedtixlo Dios laat.