Luka 19:36-44

³⁶Iesuꞌa onameꞌeteꞌe zamaḡano, vaze ḡuḡuvaḡaniꞌa dabuaze ane ibio hirau onamiro.

³⁷Ebu ani Olive maḡanonoꞌo ovoeꞌeteꞌe ibiḡa hanitiro. Eꞌea Iesu ḡaruna hegoteꞌeteꞌe vaze ḡuḡuvaḡa niduꞌa onameꞌenogano matuꞌuzeta huauꞌenaꞌa, Badiꞌa niguniro, mazaḡa ze Iesuꞌa haḡainuteꞌe haḡai gigiꞌaḡa niduꞌa horoniro.

³⁸Zeꞌa raenaꞌa, “Zuhiꞌa Boro ane niḡano onaeꞌeteꞌe kiniḡa nigunoꞌi! Adureo uniho manoḡa, ebu hitana huneo Badiꞌa nigunoga!”

³⁹Rehano vaze ḡuḡuvaḡa boꞌaḡano Farisea azaḡa nuꞌa raenaꞌa, “Ihore vazeḡa, ḡa ḡaruna hegoteꞌeteꞌe azaḡaniꞌa ꞌouge raꞌeteꞌe gararoꞌi!”

⁴⁰Iesuꞌa naenaeziro. “E mene ꞌougiꞌuma. E ziꞌohe, ze mene niguhine, hadi zeḡeꞌa huanadu eḡe niguhiꞌuma.”

⁴¹Iesuꞌa Ierusalema habaꞌa hanitadu habaꞌa eꞌe horonirotene niaro.

⁴²Ebu raenaꞌa, “Ierusalema azaḡa, izidi zaꞌe Badiꞌa teite uniho manoḡa maꞌeteꞌe ibiḡa edeḡa reifone, ḡabone hidifo. Rehano zae fase, izidiꞌe za eꞌe edenoga mene idaḡa.

⁴³Mada ꞌahoganiꞌa fureraꞌuma. Eꞌe madaḡano zae agire azaḡaniꞌa raha gabiꞌa merau ganaḡeḡeziꞌuma, ebu zamao haoziꞌuma.

⁴⁴Zeḡeꞌa zae haba zu haba azaḡa niduꞌa rahao zimi feuziꞌuma. Ebu zae ne ogoraroteꞌe hadiḡaꞌe niduꞌa fahe ḡuzuhiꞌuma, mazaḡa Badiꞌaꞌa zae vaḡe onairoteꞌe madaḡa mene ederiro ꞌahine.”