Luk 19:36-44

³⁶Ivomiiri inenae ma wawaya kii tarasovo ivi votaweyana ma ketiyai ikepana da Yesu tepanai ibababa.

³⁷Oliv koyanai iororu na kana kivikivina peyarisi nuwabiibiiyai God ivivi kiikiiwei, gamotepasiyai ivovokavakavari, iyamna bera ghamaghamasi Yesu iberai na matasiyai ikitai. Ivonavona bo,

³⁸“Tam Bada avanai kepipisi, Akii kiivavo, God ini biibiinim, Kunumai nuwanuba ina makai, Ma God kiidamo makamakiina tavokavakavari ma tighegheni da kana kadara ina rakata!”

³⁹Koroto kamosiyai Perisi damsi viya Yesu ivonei bo, “Bada, kam kivikivina keyeghisi da kawasi ina pota!”

⁴⁰Ma ivonapotesi bo, “Avonavonemi, mikeda ti kawasi ita pota na wakima iti karei da iti kiirareyana.”

⁴¹Yesu ipipisi Jerusalem ku ririna da kwanatuna ikitai na ivi nuwapoyei da ituwei.

⁴²Ma ivona bo, “Tami, kotakovi da aviyavisina karako kota berai da kota makiinuwapota ma kegha, namada vonavaghata igavui da ke konakovi.

⁴³Ma marana ina pisi da kami ghavighaviya ina nekiibau na ina garikunimi da ke meni taraboginai kona verau.

⁴⁴Ma ami kwanatu garina ini turikarikai ma natunatum yavata ini tugudagudimi. Ma ke sago wakima kana gawariyai ina makai. God ipisi kurimi da iti yawasimi ma tami kobarei, tuna kubiine weni nuwapoyisi kona panani.”