31Lodꞌo èèna, abhu dhèu Parisi pèri-pèri, mai paraga dènge Yesus, ka ra peka, na, “Hua iia Ama Mese pakajꞌèu nèti era neꞌe, te dhèu aae Herodes neo pamadhe Ama.”
32Ka Yesus dhaa, aku Nèngu na, “Herodes ne, cakaraa badha dhu dꞌèlu-mèu kapodꞌe-kabèli. Lami peka dènge nèngu, na, Jaꞌa bata eele nidhu dènge paꞌèle dhèu nèti papèdꞌa-tarègu ra, deo neꞌe ne dènge bèli. Camèdꞌa ku, sasabꞌa Jaꞌa ne heka èle kèna. Masi ka tasa mera mia èèna ka, nèti kakako Jaꞌa asa Yerusalem ne, Jaꞌa neo sabꞌa hari ku ciki. Te dhèu Yerusalem sèra, dhu dꞌèi pamadhe dhèu rèti lii padhai Ama Lamatua.
Lukas 13
Lukas 13:31-32