31Huan ipan nopa tlalochtli hualajque sequin fariseos huan quiilhuijque Jesús: ―Xiquisa nica huan xiya intla tijnequi tiitztos pampa Tlanahuatijquetl Herodes Ántipas quinequi mitzmictis.
32Huan Jesús quinilhui: ―Xiquilhuitij nopa cayochi Herodes para ama huan mostla niquinquixtis iajacahua Axcualtlacatl huan niquinchicahuas tlacame, huan huiptla nijtlamiltis notequi.