Lukas 13:31-32

³¹Dedeng na, muik atuil Farisi at ila lo maas tutnaal Yesus, le hidim tekan noan, “Banan dui ka Paap Guru lako bian kakatang se maan didang, ta laih Herodes le keo Papa.”

³²Kon Yesus situs noan, “Eh! Blalan na banansila el maat-mitang man tuklikut daat ta! Mi laok tekan noan, ‘Auk nulut uikjale, nol tao banan atuil ili las se leol nia nol ola. Bingin dua halas-sam, Auk in dake ki hidi.’ Taon elola kon, Auk le daek bubuit pait se lalan Auk in laok bus el Yerusalem mia. Ta se hmunan nua, atuil Yerusalem mas man taom keo tele Ama Lamtua mee-baha las.