Lukaj 13:8-17

⁸A a japen indan i: Main, pui jan pil par wet, pwe i en weirada ni tapi, o ki on pwel mau.

⁹A ma a pan wa, ari me mau, a ma jo, komui ap pan paledi jan.

¹⁰A kotin padapadak nan jinakoke eu ni ran en japat.

¹¹A kilan, li amen mia, me nen en jomau ti poa par naulwalu, a koj pena o jota man kak uda.

¹²Iejuj lao kotin majani i, ap molipei won i majani on i: Li, koe en maioda jan om jomau!

¹³I ap kotin pwil po a lim a kan, i ari madan kajinenda, kapikapina Kot.

¹⁴A jaumaj en jinakoke o makara kida pan Iejuj a kakelada i ni ran en japat, ap japen indan pokon o: Ran wonu, aramaj en dodok, i anjau me komail kodon kakelada, a iermen ni ran en japat!

¹⁵Kaun o ap kotin japen i majani: Malaun koe, kaidin komail karoj kin lapwada kau o ejel jan deu a kalualan nim pil ni ran en japat?

¹⁶A li men et, me nain Apraam jeripein, me Jatan jaliedi par naulwalu, me jo mau, en lapwada ni ran en japat?

¹⁷Ni a kotin majani mepukat, karoj me palian i, ap namenokala o aramaj karoj peren kida wiawia mau kan karoj, me wiauier pa a.