Luka 24:11-52

¹¹Ingi gwa ulukani uhu lukatula anga lanakanda udu kuitumi, hangi shanga ikahuila ia sungu nianso.

¹²Upatoo akauka, akamanga akahonga kukibiila akahungiila akagoza mukati, akaona isanda akwe du, sunga Petro akahega akenda kitalakwe, akazutite ikilwa kwa iko nikipumie.

¹³Antu abiili akalongola uluhiku lulolulo kukisali nikitangwa Emmau lugendo la matungo abiili.

¹⁴Akatuli kolya ienso kua enso ayo ihi naupumie kung'wanso.

¹⁵Imatungo nanso naiakili akikolya, Uyesu aka hugeela pakupi akatula palung'wi nienso.

¹⁶Imiho ao ikakuwa upoku aleke kumumunya.

¹⁷Uyesu akaila unye nimiabiili mendi ila ule nimukugenda? akasiga imikile kunu akaziatile kinyauwai.

¹⁸Muntu ung'wi lina lakwe Cleopa, akasusha, uewe du ne apa pa Yerusalemu nishuine aya naapumie kung'wanso imahiku aya?

¹⁹Uyesu akaaila, makani ke? akamuila aya nang'wa Yesu mnazareti uyu nai munyakidagu, muhumi nua witumi ni nkani ntongeela ang'wi Tunda niantu ihi.

²⁰Anga iakulu niakuhani nia tongeeli itu naamupunilye mulamulwa wa nsha nukumaja.

²¹Ingi gwa aikuluile kina uyu yuyu nuzeapa ulekelwa Israel. kulinaya ihi itungili luhiku la katatu inkani izi niyigee.

²²Kululo gwa lasungu kupuma kitaile akupee ikaiilwa, naikoli pakibiila ikidaudau.

²³Naiaulya umuiili akwe, akaza akazelunga kina aiaine wa malaika naialiye kina ukoli mupanga.

²⁴Iitunja ao naiakoli palung'wi nusese ikenda pakibiila, ikahanga anga iasungu naialigitilye, ingi singaaia muine nuanso.

²⁵Uyesu akaaila, unye antu nimiapungu nimukite inkolo ni ndito nishaya kuhuila ihi ayo nianyakidagu aliiye.

²⁶Ingi aitulikili uyesu kagigwa ku nkaai izi, nukingila kuukulu wakwe.

²⁷Sunga kandiilya kung'wa Musa nianyakidagu ihi, akaakunukuila aya ihi naakoli muandike wihi nuakwe.

²⁸Naahugela mukisali iko, akazialongoe, Uyesu akatula anga kili ulongoe kuntongeela.

²⁹Kuite aiamusingilya azeligitya, ikie palung'wi nusese kundogoelyo ilongolekile mpindi nuluhiku anga laula. Itegwa u Yesu akingila kulongola kikie nienso.

³⁰Matungo naiikie nienso akazilya, akahola umkate, akaukembeta nukuega akaapa.

³¹Sunga imiho ao ikakuwukulwa ikamulinga, matungo makupi akalimila mumiho ao.

³²Akatula kitambulya enso iti inkolo yitu shaaza yakie na mukati itui, matungo naukuligitya nusese munzila, naukukunukuilye ayo naandikilwe.

³³Ikauka itungo lilolilo, ikasuka ku Yerusalemu. Ikaahanga ao ni kumi nung'wi akazeilingie palung'wi nao naine pang'wanso.

³⁴Akazilunga, wauka itaitai, hangi aza wigeelekili kung'wa Simoni.

³⁵Kululo ikaila ayo naiamaine munzila, ayo nu Yesu naiwigeelekile kitalao kuuega umukate.

³⁶Naakili akuligitya inkani nianso, u Yesu akimika pakati ao, hangi akaila, upolo utule nunye.

³⁷Aiogapile akazuilwe nuwoa, ikasiga kina azaamuine ng'waungwelu.

³⁸U Yesu akaaila kuniki nimukusiga? Kuniki makolyo akuuka munkolo yanyu.

³⁹Gozi imikono ane ni migulu ane, muone kina ingi nene. Mambi muone. Kunsoko inkolo ngila anga nyama ni makupa, anga nimuona unene kutula ninyenso.

⁴⁰Naiwakondya kulunga iti, akaalagiila imikono akwe nimigulu akwe.

⁴¹Akaziakili akite ulumbi nauhali inkanile nukuhite kuhuila nu ukuilwa u Yesu akaila, mukate kintu ne ni kakulya?

⁴²Akamupa nsamaki iegile ikaziasile.

⁴³U esu akahola akalya pantongeela ao.

⁴⁴Akaaila, “Nainkoli nunye, ainumuie kina ihi naandikilwe munonelya wang'wa Musa nianyakidagu ni zaburi ingi mpaka akondaniile.”

⁴⁵Sunga akalugula imahala ao, ahume kulinga ayo nandikilwe.

⁴⁶Akaaila yandikilwe kina, “Ukilisto mpaka agigwe, nukuuka hangi kupuma muashi uluhiku lakatatu.

⁴⁷Uungami nuulekelwa wamilandu utanantigwe kulina lakwe kumahi ihi kandiilya ku Yerusalemu.

⁴⁸Unye miikengi ankani izi.

⁴⁹Goza, kumutwailya ulagwa wang'wa Tata ane kitalanyu, kululo lindili hapo pakisali, sunga nimuzetugalwa ingulu kupuma kigulya.

⁵⁰Sunga u Yesu akatongeela kunzi mpaka naiahugeela ku Bethania. Akahumbula imikono akwe migulya, akaakembeta.

⁵¹Matungo naukuakembeta, akikie wing'wene akaholwa migulya kilunde.

⁵²Ikamukulya hangi ikasuka ku Yerusalemu ni lumbi ikulu.