Luka 23:41-52

⁴¹Use kukoli kutai, Kunsoko usese kusingiilya iko nikimpyani ni ntendo yitie ingi umuntie uyu shawitumile anga kintu kihi nikibi.

⁴²Hangi akongeelya, Yesu unkimbuke nukingila mutemi wako.

⁴³Uyesu akamuila, huila kuila ilelo iyi ukutula palung'wi nunene kuparadiso.

⁴⁴Ainugee kutula matungo mutandatu, ihe ihi ikakunikilwa ni kiti sunga imatungo kenda ikapika.

⁴⁵Uwelu wa lyoa ukalima, sunga ung'wenda nuitekeelo ukatamuka pakati kandiilya migulya.

⁴⁶Akalila kua luli lukulu, Uyesu akalunga, Tata mumikono nako, namiika inkolo ane, naiwaligitya aya akasha.

⁴⁷Matungo uakida naiwaona ayo naitumilwe akamukolya Itunda akalunga, itai uyu ai muntu wa tai.

⁴⁸Matungo umilundo wa antu naiazile palung'wi kihenga naiaona ayo naitumilwe, ikasuka akaze kuaga ikue yao.

⁴⁹Ingi gwa iahumba uya akwe, niasunga ikamutatya kupuma kugalilaya, akimika kuli akazegoza ayo naitumilwe.

⁵⁰Goza aukoli muntu nai witangwa Yusufu nai muntu wianza, Muntu muza nuatai.

⁵¹Akili kigombya ni ntendo yao, kupuma Armathaya kisali ka kiyahudi uo naizaulindie utemi wang'wi Tunda.

⁵²Umuntu uyu, akamuhugeela upilato, akalompa apeng'we umuili wang'wa Yesu.