Lucangundru 23:41-52

⁴¹Ja talku ngaldrangu, ngangau ngaldra maniai, mina ngaldra ngankanala;” nulupini wata madlentji ngankana warai.

⁴²Ja nan Jesungu jatana wonti: “Kaparajai, ngana ngundramai, jidni mililani jinkanani wokaranani!”

⁴³Jesus nunkangu jatana wonti: “Morlalu ngani kangu jatai: Karari jidni ngakangunto Paradiesini nganala nganai.”

⁴⁴Ja toda ngalpuru pirna pantjina wonti mita maruni ditji kunarkujelu.

⁴⁵Ja ditji pirna ngalpuru pantjina wonti, ja Godaia pungaia kati pirna terti puraterina wonti.

⁴⁶Ja Jesus ngaiala pirnali karkana wonti ja jatana wonti: “Ngaperiai! marani jinkanani ngato Jaola ngakanj kurai.” Ja Nau jenia matja jatana, Nau palina wonti.

⁴⁷Juljaia kaparali jenia najina, mina pantjina, nulu Goda jurakokana wonti ja jatana wonti: “Morlalu, Naupini kana talku nganana warai.”

⁴⁸Ja kana wolara pratjanali tana wokarana warai najila, tanali matja najina mina pantjinani, tana munampiri nandraterina wonti ja tikana karitjina wonti.

⁴⁹Worita terkana wonti kamaneli nunkani pratjana, ja tana widla nunkangu Galilaiandru karipaterina warai, ja tanali jenia najina wonti.

⁵⁰Ja mai, kana kulno tala nunkani Joseph, kana kapaw, kana ngumu ja talku.

⁵¹Naupini ngankamalinani tananani ja ngankanani tananani manukulkaterina wonti — nau Arimathia Juda kana ngura kulnundru, nulu bakana Godaia mililani kalkana wonti,

⁵²Nau Pilatungu wapana wonti ja Jesu palkuni ngatjina wonti.