Luka 20:15-33

¹⁵Ngabannekela panja ja nng'onda gwa mizabibu nu kunkoma.” Yesu ngakonya, “Jwajo nkola nng'onda batenda nike akalemi benia?”

¹⁶“Maika na kakoma bandu benia abapile nng'onda, na kajaika akalemi bange nng'onda gwa mizabibu.” Bandu apabajoa genia, ngabalenga, “Ije gakapitilaje!”

¹⁷Yesu ngabalolakea ngabakonya, “Majandiko Gachwapi ganga gabi na mana nii? ‘Libwe elibilikanite akachengi ligalambwike kube lyambone kupeta goa.’

¹⁸Kila mundu anda agweli panani ja libwe lyenie apakutwekuka ipande, nambu ojulipakung'welela lipa kuntimba.”

¹⁹Akaboli ba Malagilo ga Musa na akakung'i akolongwa ngabamanya kutenda kulandanakia kwenio kwabe kuyenie ngabapala kumpitila, nambu bajogopa bandu.

²⁰Ngabapala kingobu echikipaligwa. Ngabahonga bandu bange bikikopekeye kube bambone, ngabatuma bannyonje Yesu kukunkonya ilebe, yenie ibe bampukilange nu kummeka mumakakala ni kinala cha akatawala ba Loma.

²¹Bandu bukuingakia benia ngabannenge Yesu, “Aboli, tumanyi kutenda nnenga na kubola ilebe ya kweli, tumanyi kutenda mwenga kupambulaje mundu, mwenga mmola kweli ja ndela ja Nnoongo.

²²Mutulengele, anda ipaligwa kulepa kodi ku nkolongwa jwa Loma?”

²³Yesu ngamanya batenda ntega, ngabalengela,

²⁴“Unayange luela. Bo, kumio na nembo ya beneke?” Ngabajanga, “Kwa Nngwana jwa Loma,”

²⁵Yesu ngalenga, “Mampegange Nkolongwa jwa Loma agabi ga Nngwana jwa Loma, na mampegange Nnoongo agabi ga Nnoongo.”

²⁶Baotolingeje kunnyonja kwa lilobe lyalyoa papa nnongo ja bandu na yenie ngabatama nuu, bakaomwanga lijango lyakwe.

²⁷Penia Masadukayo abalenga kubije kuyoka. Bange kati jabe ngubunhwikalila Yesu nu kulenga,

²⁸“Aboli, Musa atulagila nyene, ‘Mundu andawile na kaleka akege gwangabe na mwana nnung'una mundu batole malekwe, kupala bampotole nnung'una gwakwe ingota.’

²⁹Na pakiba na akalongo saba, nkolongwa ngatola munkege mwene ngawe pangabe na mwana.

³⁰Jwajo nnongomundu jwa pili ngantola nawele jwenio, jwombe uyo ngawe,

³¹na jwa tatu uyo. Ikiba yenie kwa boa saba ngabawe pangabe ningota.

³²Pukujomolela, munkege jola uyo ngawe.

³³Bo, lichoba lya kuyoka abawile, munkege jwenio aba jwa beneke? Gambu boa saba bakiba bantoile.”