Luk 24:14-20

¹⁴Di slengla magu, yé santulenla i kdee ta mkel.

¹⁵Na lamla stulen gablà ayé, fdadong Dyisas di safédla, na fles kenen magin di dale.

¹⁶Bay balù teenla, là dilèla dun du nun smafang i fandamla.

¹⁷Na snalekan ale, manan, “Dét i santulenyu gine di lamyu magu?” Na tadè ale ftual tadag di bà dalan, na too ale mlidù.

¹⁸Na satu di dale, yé dagitan Klifas, talù kenen, manan, “Di kdee dad to mnè di Dyérusalém, lo ge kè i là gmadè i mkel déé falami ani.”

¹⁹Na smalek Dyisas, manan, “Dét i dad manyu ta mkel?” Na tmimel ale, manla, “Nun Tugad i Dwata, yé dagitan Dyisas, mdà di Nasarét. Too kenen maltulus fagu di dad talùan, na di dad nimòan di kanfe i Dwata, na di kanfe i kdee dad to.

²⁰Bay i dad ganlal di kafaglutto na i dad ganlal di banwe, bléla kenen di dad ganlal du nukumla di fati, na fnatakla kenen di krus.