Luk 24:14-20

¹⁴Mu inak wan dim dim aruga ame venaseni, no oisewa gare gare wan amuiwanumun.

¹⁵Ap waiwanumune gapan Iesu inamup tauen den amon.

¹⁶Mu Iesu yawane go irewa ya yawan anune iwa God yamamu toboboren.

¹⁷Iesu singui anega wayawamon, “E ap aisiwaniana gapan dim noa da gare gare wawa isiwanin?” Ap wani gapan, mu bagu sisi anune amba gine namu ae bigat mutane ae yonan.

¹⁸Apan dere, dawa yaua Kiliopas gare anega wan, “Ge Ierusalem daio ageanawa wam ap gapan dim da ta waiwanumune ge da ya anuana menan waingi go?”

¹⁹Iesu gare anega wan, “Dim dim da venasiwandin?” Apan ame gare anega wan, “A, nu Iesu pa Nasaret apane oisewa waivin. Me God nop mega waini apane amba waenapan namumup nop wat ge tat mega aroe amunu den.

²⁰Go Pirisi bawarewa amba ayop nuga nagire upi den Iesu waran ian ugupe nagire nanimu gwanap baraen oma korosi gapan tone boen.