Luk 24:14-20

¹⁴Demtu bin tok po wananada wanem i bin apen lo dat dei.

¹⁵Seimtaim demtu bin tok po demtuselp, Zizas bin kam zoine demtu, wagbaut wea demtu.

¹⁶Demtu bin luk em bat demtu kan megaraut em.

¹⁷Zizas bin spik po demtu, ‘Wanem yutu yan?’ Demtu stanap prapa kuaiat, gad nadakain sore pes.

¹⁸Wan man, Kliopas bin ansa em, ‘Ei! Mata yu no bin lisen wanem i bin apen wea dem lasdei de wea Zarusalem a?’

¹⁹Zizas bin aske demtu, ‘Wanem ting?’ Demtu bin ansa em, ‘Ol demting wanem bin apen ya wea Zizas blo Nazaret. Dis man i bin spesilmesizman blo God ane ol dem pipol bin spik em gad prapa bigpaua wanem em bin spik ane wanem em bin mekem.

²⁰Ol dem edprist ane ol lida blo Zuwislo bin teke Zizas go po dem lida blo Rom ane em bin pase wod po kile em. So dempla bin teke Zizas go ane neile em wea kros.